May 28, 2024 a Cyclone Remal siper Mizoram in a dawn avanga chhiat thlengah Vice President  Lalnunmawia Pautu chuan, Department leh thawktute sawisel turin kan kal lo a, Aizawl khawpui chhunga chhungkaw tinin tui in tur thianghlim tam zawk an dawn thuai theihna tura hmalakna leh hmasawn zelna tur thil tha a awm beseia lo kal kan ni, a ti a.

 

MNYF Vice President Chuan, "Cyclone Remal in Mizoram a nuai hma leh a nuai hnuah, Aizawl khawpui chhunga tui harsatna chungchang au chhuahna neih kan tum mek laiin, furpuiin min nang chhunzawm a. Cyclone Remal in khawl a tihchhiat hlimin sorkar thuneitu te'n thlakhat chhunga dan ngai anga tuisem theih an  beisei laiin thla khat chuang hnuah pawh harsatna ala awm belh zel hi a pawi kan ti, a ti a.

"PHE department thawktute'n chhunzan zawmin, tui hnianghnar kan neih thuai theih nana hna an thawk hi MNYF te chuan a ropui kan ti a. Mi harsa zawkte tawrhtheihna tur chhiah lak leh bill tihsan kawngah sorkar a hman hlel hle laiin, mi hausa leh rethei te'n rualkhai taka tui hnianghnar kan hmuh theih nan Mizoram sorkar hian a tih tur a ti tawk lo ah MNYF chuan kan ngai," tiin a sawi. 

MNYF chuan Mizoram sorkar thil tih dik loh leh mipui phurrit zawnga hmalakna leh a tih fuh tawk lohna ah Mizoram mipuite thlavang hauhin a tul angin engtik hunah pawh a che chhuak zel dawn a ni, tiin thuchuah an siam.